Von Erika Hugentobler-Lützelschwab, Magden
Es herrscht e grossi Trocheheit/und alli wüsse eigentlich Bscheid./Dr Salat und s Gmües verdorrt uf de Fälder/und d Tier finde nüt meh i de Wälder./Au d Chüeh uf dr Weid hei nüt me z grase,/bewässered wird aber witerhin dr Rase./D Pools wärde gfüllt, alles witer gschprützt./Hätt bi dene ächt au es Verbot nüt gnützt?/Grüen useschtäche düent d Golfplätz/Ich froog mi, was lauft do lätz?/Dr Kommisar sait zum Detektiv Maloney: die Welt ist aus den Fugen!/Ich säg: zum Glück gibt es die Vernünftigen und die Klugen!/So geht das…
