Von Herbert Lützelschwab, Zeiningen
Jetzt chunnt die Zyt, enthusiastisch de Strom spare in Zeinigä. Mit dr Verdoppelig vom Energiepries blibt eus wenig übrig ausser Massnahme im Hushalt z’träffe. En Wuche Ferien ispare, weniger choche und wäsche, isch locker möglich. Au Liechter lösche und bi Cherzeliecht läse isch zuemuetbar, also zrugg zu alte Zyte mit Öllämpli. Auf s’Färnsehprogramm cha verzichtet wärde, denn Büecher und Zytigä hei mehr Inhalt. Sportsendige bringe wenig bim luege, doch sich sälber bewege isch meh. Mit Stromspare chönne mir en wärmere Pullover, wärmeri Socke und Finke chaufe. Fertigmohlzite auf Metallplättli mit Kerzen erhitze, wie das s’Mini-Racletteöfeli eus zeigt, oder hindenus es Fürli mache und drbie no d’Hand wärme. Sich ufraffe, uf en Schwatz zum Nochber goh und s’Handy uf d’Site lege. S’Bänkliwuchenendi in Zeinigä hets zeigt, mir chöme mit weniger uus und d’Gsellschaft änderet sich. Au statt Mails schriebe, halt dr Fülli und Papier neh, d’Post hät Freud dra, denn dä «chat-hype» isch zum Schrott und Stromfrässer worde.
